مشاكل الغسالات الاتوماتيك وتصليحها بالشرح و الصور - العضوة هدى النفوس هي صاحبة المشاركة
مش بتسحب ماء وصوت الماء ضعيف جدا ومش بتسحب كل المسحوق
دى اسهل حاجة فى الغسالة هانتعلمها بس قبل اى شغل فى الغسالة نقفل المحبس اللى بيدخل لها ميه .وكمان نشيل الفيشة
بصى ياستى لفى الغسالة وبصى على الظهر بتاعها هتشوفى الخرطوم دة
فكى الخرطوم من هنا .لفيه شمال هايتفك
وبعدين هاتلاقى جوة مصفاه بلاستك صغيرة لونها ابيض شديها بالكماشة كدة
خرجيها وهاتلاقيها مليانة رملة ..نظفيها تحت الحنفية وسلكى اخرامها بدبوس وبعدين زى ما فكتيها نرجع تانى نركبها بس نظفى
مكانها كمان علشان فى برده رمل...الخرطوم فيه كوتشة سودة زى جلدة الحنفية علشان لما تركبى الخرطوم مينقطش مية احرصى عليها فى مكانها زى ماهى وانتى بتركبى الخرطوم ...
شغليها بعد كدة واسمعى صوت المية وقوليلى عملتى ايه ياقطقوطة
-----------------------------
الصيانة للمنطقة دى مهمة جدا ..المية بتعتنا مليانة رمل فالازم نعمل الحركة دى كل شهر او شهرين بالكتير ودى بتبقى صيانة الفيلتر
المشاركة منقولة ولكنها حقيقة وانا شخصيا طبقتها مصلح انا لست متخصص غسالات ولكن انصح بعدم تحريك اليد يمين ويسار شد مستقيم لانه بلستك وفلتر مهم وقد تجد صعوبة بوجود واحد مثله والله اعلم
اما غسالات البلاستيك اشتغلت بها سهلة اي سؤال على الرحب والسعى
خارج الموضوع تحويل الاكوادإخفاء الابتساماتإخفاء